राजस्थान की भाषा साहित्य, संस्कृति इतिहास की दृष्टि से समृद्धता ने विश्व में अपनी अलग एवं विशिष्ठ छवि बनाई हुई है। दुनिया भर में शोधार्थी इन विषयों पर शोध कर राजस्थानी भाषा साहित्य की समृद्ध परम्परा से समाज को अवगत करवाकर गौरवांन्वित हो रहे है। इसी तरह यू.जी.सी. साहित्य अकादमी व देश के अनेकानेक विश्वविघालयों में राजस्थानी भाषा साहित्य के विषयों पर शोध अनुवाद प्रकाशन हो रहे है जो देश दुनिया में अपनी ऐतिहासिक उपस्थिति दर्ज करवा रहे है। राजस्थान की पूर्व रियासतो की एवं मालवा की अमझेरा, सैलाना, रतलाम, सीतामाऊ, झाबुआ, उमरकोट  पाकिस्तान रियासतो की राजभाषा राजस्थानी थी  जिनके रियासती दस्तावेज अभिलेखागार में सुरक्षित है।  राजस्थानी राज, जन, धर्म, सभी क्षेत्रों में शताब्दियों से करोडों लोंगों के भाव, विचार, संवाद, राज्यादेश, पत्राचार का माध्यम रही है। आजादी आने के साथ ही हमारी जनतंत्री सरकारों ने यहां की जनभाषा राजस्थानी को राजभाषा के दर्जे से दूर किया एवं दूसरा सबसे दुर्भाग्यपूर्ण कार्य किया राजस्थानी को शिक्षा से निकाल दिया  जिसका दुष्परिणाम यह हुआ कि हमारी तीन पीढियां ऐसी पैदा हुई जिनको अपनी मातृभाषा पढने का मौका भी नहीं मिला  जो बच्चा मां की गोद में जन्म लेने के साथ एवं गोद में जो भाषा सीखना शुरू कर स्कूल प्रवेश तक सीखता है। स्कूल  में जाते ही उसे थप्पड, डंडे, मार-मारकर उसे छुडाई जाती है।  जो आजादी पश्चात करोडो बच्चों को इस अत्याचार को झेलना पडता है। हमारे बच्चों को अपनी जडों से काटने का यह प्रजातन्त्र में किया जाने वाला सरकारी षडयंत्र है। जो विश्व में दूसरा नहीं होगा। यह मानवाधिकारों का हनन है। जो मानवाधिकार आयोग, व्यवस्थापिका, न्यायपालिका, कार्यपालिका के होते हुए हो रहे है। इसका कारण जो लोग इन स्थानों पर मुख्य पदों पर है। वो इस सत्य से आंख मुंदे है। या फिर अपनी जडो से इतने कट गए है कि जिनकी संवेदना खत्म हो अगई है। हमारे शिक्षा मंत्री का ब्यान भास्कर 9 अप्रेल 2010 में पढा कि "राज्य में हिन्दी ही मातॄभाषा है।" यह बयान हास्यास्पद तो है। ही इसके साथ शर्मनाक भी है।, जहाँ के शिक्षामंत्री को यह भी पता नही कि इस प्रदेश की मातृभाषा क्या है। जिन्हें प्रदेश के शिक्षा जैसे महत्वपूर्ण विभाग का कार्यभार सौंपा है। यह चिन्ता व चिन्तन का गंभीर विषय है। मास्टर भंवरलाल उस पीढी के व्यक्ति है। जिन्होंने स्कूल में डंडे खा खाकर अपनी मातृभाषा छोडी थी उस मार का आतंक इतना है। कि वे उस सत्य को सिरे से नकार रहे हैं कि हमारी मातृभाषा क्या है। वे अपनी मातृभाषा राजस्थानी कहने से कतराते है। शिक्षामंत्री जब पैदा हुए तब जिस भाषा में महिलाओं ने जच्चा के गीत हालरिया  (पालना गीत) शादी में जान चढाई से पूर्व उनकी मां ने जब दूध को नही लजाने की सीख दी एवं प्रतीक रूप से स्तनपान कराया तब जो गीत एवं भाव प्रवाह पैदा हुआ, पीठी फेरे इत्यादि संस्कारों एवं सभी त्यौहारों पर गाए जाने वाले संस्कार गीतों एवं पीढी पीढी के मातृ संस्कारों की भाषा ही पीला  (ओढना) जो उनके जन्म पर ओढा था, जो उनके पिता, दादा जी ने जो साफा बांधा था उसकी मातृभाव संस्कार भाषा क्या थी। संस्कारों एवं समाज में महत्वपूर्ण पदों पर जडकाटिया बुद्धिजीवी आ जाते है। तब ऐसी दुर्गति होती है।  प्रदेशवासी इस बयान से गंभीर रूप से आहत हुए है। प्रदेश के संस्कति धर्मियों के मन में बार-बार सवाल उठ रहा है। कि आजादी का अर्थ क्या हमारे लोगों में हीनता का भाव पैदा कर जडों से काटना है। जो ऐसी आजादी का क्या औचित्य है।

अनिवार्य एवं मुक्त शिक्षा कानून में प्रावधान है। कि प्राथमिक कक्षाओं तक बच्चों को अनिवार्य रूप से मातृभाषा में पढाया जाए जो पूरी दुनिया में लागु है। राजस्थान इसका अपवाद है।  राजस्थान में राजस्थानी को प्राथमिक शिक्षा का माध्यम तो क्या यहां तृतीय भाषा का दर्जा भी नहीं है। माध्यमिक शिक्षा बोर्ड एवं प्रदेश के विश्वविद्यालयों मे ऐच्छिक विषय के रूप में अध्ययन अध्यापन व शोध का विषय है। राज्य में तृतीय भाषाओं की सूची में राजस्थानी के अलावा, सिंधी, संस्क़त, संस्कृत, पंजाबी, गुजराती, उर्दु, मलयालम, तमिल इत्यादि है।  इसी तरह प्रदेश में भाषाई अल्प संख्यकों के बच्चों को उनकी मातृभाषा में शिक्षा देने के लिए मान्यता प्राप्त उर्दू, सिंधी, पंजाबी, अल्पसंख्यक भाषाओं के कुल 1195 विद्यालय है। शिक्षा विभाग की रिपार्ट के अनुसार वर्ष 2007-08 के मुताबिक प्राथमिक एवं उच्च प्राथमिक स्तर के इन विद्यालयों में रा ्‌य में उर्दू अल्पसंख्यकों के 654 विद्यालय है। जिनमें 60586 बच्चें पढ रहे है। इसी प्रकार सिंधी के 38 स्कूलों में 2198 बच्चे नामांकित है। जबकि पंजाबी भाषाई अल्पसंख्यकों के 503 विद्यालयों में 42559 बच्चे अपनी सामाजिक एवं सांस्कृतिक आकांक्षाओं के अनुरूप शिक्षा ले रहे है। उल्लेखनीय है कि भाषाई अल्पसंख्यकों को उनकी मातृभाषा को बढावा देने के लिए गुजराल समिति के अनुसार राज्य के प्राथमिक एवं उच्च प्राथमिक विद्यालयों में कम से कम 40 प्राथमिक विद्यालय की एक कक्षा में 10 छात्र छात्रा अपनी भाषा के माध्यम से शिक्षा प्राप्त करने के इच्छुक होने पर उनको शिक्षा देने की सुविधा उपलब्ध कराई गई है।  गौरतलब है कि राज्य में एक भी विद्यालय राजस्थानी का नही है एस.आई.ई.आर.टी. जो पाठयक्रम निर्माण करती है वहां राजस्थानी के व्याख्याता को दूसरे कार्यो में लगाकर इस विचार बीज को पनपने से पूर्व समाप्त किया गया। प्रदेश के विद्यालयों, महाविद्यालयों, विश्वविद्यालयों में राजस्थानी के व्याख्याता, सहायक आचार्य, आचार्य, के पद रिक्त है इस कारण राजस्थानी अध्ययन, अध्यापन, शोध अत्यंत प्रभावित हो रहे है।

अनिवार्य शिक्षा कानून एवं अब तक की देश विदेश की शिक्षा समितियों की अवधारणा के अनुसार प्राथमिक शिक्षा में मातृभाषा की अनिवार्यता के प्रावधान सिफारिशों का आधार बन नियम बने है। परन्तु राजस्थान में सरकार नीति एवं शिक्षामंत्री की सोच से अमल में आऐंगे यह भविष्य के गर्भ में है।

प्रदेश महामंत्री
अखिल भारतीय राजस्थानी भाषा
मान्यता संघर्ष समिति
राजस्थान

प्रभारी
राजस्थानी विभाग
जनार्दन राय नागर राजस्थान
विद्यापीठ वि.वि. उदयपुर
मो. 9829566084

नई दिल्ली, 13 दिसम्बर। करोडो राजस्थानियां री मातृभाषा 'राजस्थानी' ने संविधान री आठवीं अनुसूची में जोडणे ऱी गत कई दशका सु चलती आई मांग अबे पूरी होणे जा रई है। केन्द्रीय गृह राज्यमंत्री प्रकाश जयसवाल द्वारा एक टीवी चैनल ने दी गई जाणकारी रे अनुसार केन्द्र सरकार राजस्थानी अर भोजपुरी ने संविधान री अनुसूची में जोडणे रो सिद्धान्तत: फैसलो कर लियो है। बे बताया कि लम्बे अरसे सु सांसदा सु इणरी मांग करी जा रई है। गत सरकार सु गठित सीताकांत महापात्र कमेटी री रिपोर्ट रे आधार पर भी इण दोनु भाषावां ने सम्मिलित करणे रो मार्ग प्रशस्त हुयो है। बे बताया कि अधिकतर मंत्रालया सु इण संबंध में मांगी गई रिपोर्ट मिलगी है अर जरूरी प्रक्रिया शुरू की जा चुकी है। इणसु पेला आज राज्य सभा में सांसद अभिषेक मनु सिंघवी रे लिखित प्रश्न रे उत्तर में केन्द्रीय गृहराज्य मंत्री जायसवालजी बतायो कि राजस्थान विधानसभा सु राजस्थानी ने संविधान री आठवीं अनुसूची में जोडणे रो सर्वसम्मति सु पारित संकल्प केन्द्र ने मिलग्यो हो इण पर गंभीरता सु विचार करियो जा रियो है। केन्द्रीय गृहराज्य मंत्री जायसवालजी द्वारा राजस्थानी अर भोजपुरी ने आठवीं अनुसुची में सामिल करणे रे केन्द्र सरकार रे फैसले री जाणकारी रे बाद राजस्थान री जनता अर पूरे देश में फैलिया प्रवासी राजस्थानियां में खुशी री लहर छा गई। जोधपुर संवाददाता रे अनुसार गत 26 सालां सु राजस्थानी भाष रो प्रतिनिधित्व कर रई पारिवारिक मासिक पत्रिका 'मांणक' रा संपादक पदम मेहता केन्द्र सरकार रे इण फैसले पर खुशी व्यक्त करी है।

राजस्थानी विश्व री समृद्धतम भाषायां में सु एक है। इणरो 2500 साल पुराणो इतिहास है। इणमें लिख्या थकां लाखो हस्तलिखित ग्रन्थ संग्रहालयां में पडया है। आजादी सु पेला पूरे राजपूताने री रियासतां री राजभाषा राजस्थानी ही। भाषा विज्ञान रे आधार पर राजस्थानी एक स्वतंत्र भाषा है। राजस्थानी लिपि मुडिया सु ही राष्ट्रीय लिपि देवनागरी बणी, गुजराती री वर्तमान लिपि, पंजाबी री ग़ूड़ूमुखी लिपि, राजस्थानी लिपि मुडिया सु ही बणी है। राजस्थाणी लिपि मुडिया रा दुजा नाम मोडी, वाणीयावटी, अर महाजनी है। मराठी, हिन्दी, ब्रज, नेपाली रो आदिकाल, मध्यकाल रो साहित्य राजस्थानी लिपि मुडिया में लिख्यो गयो है। सिंधी रो आदिकाल रो साहित्य भी राजस्थानी लिपि मुडिया में लिख्यो गयो है। राजस्थानी री स्वतन्त्र व्याकरण है। पाकिस्तान में जकि राजस्थानी व्याकरण चाले है विणरो नाम राजस्थानी कायदौ है शिकाग़ो विश्वविधालय अमेरिका में दक्षिण एशियाई भाषा विभाग में राजस्थानी व्याकरण चालै है। इणरा कई तरहा रा शब्दकोष है पदम श्री सीताऱाम लालस रो सबसु मोटो राजस्थानी शब्दकोष है जिके में 2 लाख पचास हजार शब्द है। राजस्थानी री मेवाडी, बागडी, मालवी, ढ़ूंढ़ाणी, मारवाडी, हाडौतीं, मेवाती, भीली, ब्रज, खानाबदोशी बोलियां इणरा अंग है और डिंगल-पिंगल इणरी प्राचीन शास्त्रीय कविता री शैलिया है इण तरह राजस्थानी भाषा रेडियो, दूरदर्शन रे समाचारा अर दूजा कार्यक्रमा में दशका सु मान्य भाषा है। केन्द्र सरकार री साहित्य अकादमी में भारतीय भाषायां रे समकक्ष राजस्थानी ने मान्यता दे राखी है। राजस्थान में राजस्थानी भाषा साहित्य अर संस्कृति अकादमी भी काम कर रई है। साथ ही दुनिया भर में शोधार्थी राजस्थानी रे विषय में शोध कर रिया है। विश्वविधालयां मंे राजस्थानी भाषा साहित्य रा स्वतंत्र विभाग है। माध्यमिक शिक्षा बोर्ड में ऐच्छिक विषय रे रुप में राजस्थानी विषय पढायो जा रियो है। राजस्थानी नाटक पूरे देश स्तर रे मंचा पर मंचित हो रिया है। राजस्थानी फिल्मा निरन्तर बण रई है। राजस्थानी लोकगीतां, भजनां, कत्थायां, लोकनाटकां री ओडियो कैसेट बहोत लोकप्रिय हो रई है। दुनियाभर रे सांस्कृतिक समारोहां में राजस्थानी कलाकार आपरी अमिट छाप छोड रिया है। होटल व्यवसाय में राजस्थानी भाषा अर संस्कृति रा प्रसार पश्चिमी होटल संस्कृति ने हटातो जा रियो है। राजस्थानी पर्यटन विभाग अर संास्कृतिक केन्द्र रे सांस्कृतिक उत्सवां में राजस्थानी भाषा साहित्य संस्कृति रे माध्यम सु राजस्थानी री आत्मा प्रकट हो जावे है पण दुःख री बात आ है कि इते गौरवशाली इतिहास वाली राजस्थानी रो नाम संविधान री आठवीं सूची में नीं होणो 12 करोड राजस्थानिया रो अपमान है। आपारा जनप्रतिनिधि आपारी भाषा में शपथ नीं ले सके ओ जनतंत्र रो हनन है। संविधान रे त्रिभाषा तंत्र रो हनन है। राजस्थानियां ने आपरी भाषा आपरै ही प्रांत में अनिवार्य रूप सु नीं पढ़णे दे'र खुद री जडां ने काटियो जा रियो है। जिको मानवाधिकारां रो हनन है। इण वास्ते आपा आ मांग करा हा कि राजस्थानी भाषा ने संविधान री आठवी अनुसूची में जोडयो जावै। इण संबंध मे 25 अगस्त 2003 ने राजस्थान री विधानसभा में सर्वसम्मत प्रस्ताव पास कर केन्द्र सरकार ने भेज दियो अर वर्तमान केन्द्र सरकार रे सामे बात करणे रे वास्ते अखिल भारतीय राजस्थानी भाषा मान्यता संघर्ष समिति मायड भाषा सन्मान जात्रा रो आयोजन करियो जकि 21 फरवरी 2005 ने श्रीगंगानगर सु शुरू हुई जकि पूरे राजस्थान रे अधिकतर हिस्सां ने सम्मिलित करती हुई 3 मार्च 2005 री शाम श्री शिवराज पाटिल गृहमंत्री भारत सरकार रे घर पर जार करोडां राजस्थानियां री भावना सु केन्द्र सरकार ने अवगत करवायो इण संबंध में अखिल भारतीय राजस्थानी भाषा मान्यता संघर्ष समिति री शाखायां अर इणरा अग्रिम संगठन राजस्थानी मोटयार परिषद राजस्थानी महिला परिषद, राजस्थानी चिंतन परिषद आदि इण आन्दोलन में जोर-शोर सु पूरे प्रांत में लाग्योडा है। राजस्थान री विधानसभा रे बी प्रस्ताव में राजस्थान री आत्मा बसे है आप इणने आधार बणा'र राजस्थानी भाषा ने संविधान री आठवीं अनुसूची में जोडणे रो ऐतिहासिक काम कर राष्ट्रीय धरोहर ने बचावो अर इणने संरक्षण देणे में जिम्मेदार मंत्री अर जनतंत्रीय सरकार रो फर्ज निभावो। आपारी नुवीं पीढी आपाऱी मौलिक संस्कृति सु कटती जा रई है। क्यंुकि आपारी भाषा आजादी रे बाद सु अनिवार्य रूप सु पढाई नी जा रई है। आपारे टाबरा ने आपरी ही जडां सु सरकारियां काटती जा रई है जिको कोई भी जनतंत्र पर काळो धब्बो है। आपा राजस्थान वासिया सु भाषा रै आधार पर धूर्तता हो रई है खुद री भाषा बोलणे पर गवार महसुस करवायो जा रियो है। किसान, मजदुर अर प्रशासक, मरीज अर डाक्टर, न्यायालय अर पीडित रे बीच संवाद हिनता री स्थिति है जकि कोई जनतंत्रीय संवैधानिक व्यवस्था रे जनतंत्रीय होणे पर प्रश्न चिन्ह खडो करे है। इण वास्ते आपसु अरज है कि राजस्थानी भाषा ने संविधान री आठवीं अनुसूची में जोड'र जनशक्ति ने आन्दोलन री बजाय राष्ट्रीय विकास में लगावे। इणी आशा अर विश्वास रे साथ धन्यवाद।

राजस्थानी भासा री संवैधानिक मान्यता सारू संघर्षरत परलीका रा युवा साहित्यकार विनोद स्वामी नै मिल्यौ श्री सुगन साहित्य सम्मान

भास्कर न्यूज, सूरतगढ
श्री सुगन स्मृति संस्थान कानी स्यूं शनिवार में सभागार मांय श्री सुगन साहित्य समारोह हुयो। समारोह मांय राजस्थानी भाषा री संवैधानिक मान्यता सारु संघर्षरत परलीका रा युवा साहित्यकार विनोद स्वामी ने सम्मानित करिज्यो।

कार्यक्रम रो शुभारम्भ मां सरस्वती रै चित्र रै माथै पुष्प चढार हुयौ। जिला प्रमुख पृथ्वी राज मील कहयो के राजस्थानी भाषा री मान्यता प्रदेश रे लोगा रो हक है और ओ हक आपा लेर रहस्या। वां कयो के मायड भाषा रे आन्दोलन में चहरेक मिनख री भूमिका होणी चाईजै।

राजकीय महाविधालय रा श्री गंगानगर रा हिन्दी विभागाध्यक्ष डा. अन्नाराम शर्मा मायड भाषा रो संबंध मिनख रे अंतर्मन स्यूं बतायो। वां भासा री एकरूपता पर बोलता थका बतायो कि एकरूपता रो सवाल निराधार है। अर बोलिया हरेक भासा री खासियत होवे है। दुनिया री सगळी भाषा में विविधता है। विविधता स्यू भासा रो फुटरापो बढे।

परलीका रा साहित्यकार रामस्वरूप किसान अर सत्यनारायण स्वामी विनोद स्वामी रै रचनाकर्म पर बोलतां थका कयो के भासा री मान्यता सारु आन्दोलन ने जनआन्दोलन बणावन में विनोद री भूमिका घणी महताऊ रही है। विनोद स्वामी अखरै प्रांत में गांव-गांव अर ढाणी-ढ़ाणी जाकर मायड भासा मान्यता री अलख जगाई है। विनोद री रचनायां आम आदमी री पीड अर निर्मल मन रा उदगार है। ओ पुरस्कार विनोद स्वामी रो नहीं बल्कि भासा रो सम्मान है।

पत्रकाऱ कीर्ती राणा आपरौ उदबोधन ठेठ राजस्थानी में देवता कह्यो के राजस्थानी री संस्कृति तोडन री कोनी जोडण री है। अठे दूजी भासा रे लोगां रो स्वागत करियो जावैै। औ पधारो म्हारै देश केवण वाळे लोगां रो प्रांत है। विनोद स्वामी री रचनावां में उपेक्षित वर्ग री बात कई गई है। पावना ने संस्थान कानी स्यूं सैनानी भेंट करीजी। समारोह मांय महाविधालय प्रबंध समिति रा अध्यक्ष राजकुमार गर्ग, सुगन स्मृति संस्थान रा अध्यक्ष हरिमोहन सारस्वत, साहित्यकार मनोज स्वामी, मदन पुरोहित आपरा विचार राख्या।

आकाशवाणी रा वरिष्ठ उदघोषक राजेश चड्‌ढा, साहित्यकार कृष्ण कुमार आशु, राधेश्याम स्वामी, प्रहलादराय पारीक, कृष्ण स्वामी, शिवराज भारतीय, बाबूलाल सारस्वत, सतीश छीपा, राजेन्द्र छीपा, करणीदान सिंह राजपूत, शिव सारडा, डा. हरप्रीत सिंह, राजेश सिडाना, विष्णु शर्मा, श्रीभगवान, प्रवीण भाटिया, आशा सारस्वत, कैलाश सोनी समेत मोकळा सुणनिया-गुणनिया हाजिर हा।

5100 रिपिया सेनानी अर दुशालो भेंट करयो
कार्यक्रम में परलीका रा साहित्यकार विनोद स्वामी नै सुगन साहित्य सम्मान स्वरूप अतिथियां 5100 रिपिया सेनाणी अर दुशालो भेंट करयो। राजस्थानी भासा अर संस्कृति रे विकास रै सारू ओ पुरस्कार श्री सुगन स्मृति संस्थान रा अध्यक्ष हरिमोहन सारस्वत आपरै पिता स्वर्गीय श्री सुगन चंद्र सारस्वत री स्मृति में सन 2003 स्यूं शुरू करयो।

वेब पुस्तक इक्कीस रो हुयो लोकार्पण
सत्यनारायण सोनी री कहाणियां री वेब बुक इक्कीस रो लोकार्पण अखिल भारतीय सत्यनारायण सोनी री काहाणियां री वेब बुक 'इक्कीस' रो लोकार्पण अखिल भारतीय राजस्थानी भासा मान्यता संघर्ष समिती रा प्रदेश पाटवी हरिमोहन सारस्वत करयो। आ राजस्थानी री पैली वेब बुक है अर इणै परलीका रा पढेसरी अजय कुमार सोनी तैयार करी है।

कविता पाठ नै मिली मोकळी दाद
समारोह मांय सम्मानित कवि विनोद स्वामी अर वरिष्ठ रचनाकार रामस्वरूप किसान कविता पाठ करयो। विनोद स्वामी री कविता 'बाई' व 'आई सासरे री पाड झिणो घूंघटो ले काड' व रामस्वरूप किसान री कविता 'बेटी रो खत' नै मोकळी दाद मिली।

किण मायड रो पूत है, भासा करे पिछाण।
बोले भासा ओपरी गोद लियोडो जाण।
होवै नीं जिण देसडै, मां भासा रो मान।
के पावै बो देसडो परदेसां सनमान।

राजस्थानी भासा नै अजै संविधान री मान्यता री दरकार है। आजादी रै साठ बरसा पछै ई राजस्थान रा लोग आपरी मायड भासा नै आजाद नीं करवां सक्या। जद क होळै-होळै 22 भासावां संविधान री आठवीं अनुसूची मांय भेळी हु चुकी है।

राजस्थानी भासा री समरधता री बात करां तो किणी सूं छानी भी कोनी अर एक बैठक मांय पूरी भी कोनी हुवै। राजस्थानी भासा रो हजार बरस पुराणो साहित्य मिलै। 2 लाख सूं बेसी तो हस्तलिखित पांडुलिपिया ठाई पडी है जिणां पर अजै ताई घणो काम हुवणो बाकी पडयो है। स सूं बडो शब्द कोष सीताराम जी लालस रो अर ईयां ई 14 ओर शब्दकोश री जाणकारी मिलै। खुद री व्याकरण है। एक-एक सब्द रा सैकडू परयायवाची है। आखै देस मंई नंई विदेशां तांई भणीजै अर भणाई जै। मुहावरांकोश, लोक कथावां, कहावतां रो अखूंट भंडार भरयो पडयो है। केन्द्रीय अकादमी 1972 सूं 11वीं 12वीं मांय अर महाविधालय स्तर पर बी.ए. एम.ए. मांय भणाईजै तो फेर कठै कसर रैहगी क आपणी मायड भासा राजस्थानी नै अजै मान्यता कोनी मिली।

राजस्थानी भासा साहित्य एवं अकादमी रा मौजूदा अध्यक्ष देव कोठारी जी री सकारात्मक रो जिकर न करां तो बात आधी रेह जी सी। कोठारी जी री सोच भासा री पीड दूर दिसावर में बसैडै राजस्थानियां तांई पूगावण री घणी खेचळ करी है। जिका लारलै बरस कलकते मांय अधिवेशन राख्यो।

इण सम्मेलन मांय आपां नै बंगाल रा सांसदां रो आश्वासन मिल्यो क आप-आप रै एम.पी. यां सूं संसद मांय प्रस्ताव रखवाओ अनुमोदन म्है करस्यां। अर मान्यता दिरास्यां राजस्थानी नै के मान्यता रै मान, सम्मान अर अपमान नै बंगालियां सूं बेसी कोई नीं जाण सकै। आ बडी जीत ही बडी बात ही। जिण सारु कोठारी जी नै घणा घणा रंग।

इतै स्यूं ई कोनी सरयो। इणी बरस मांय अकादमी रो एक ओर आयोजन दिखण रै दरवाजै हैदराबाद मांय करयो। बठै रै लोगां रो विश्वास जित्यो अर मायड भासा री बात सारे देस मांय एक सागै उठण लागगी। इण सम्मेलन मांय राजस्थानी भासा री गूंज हैदराबाद मां हुई। इणी सम्मेलन मांय आयोडा आपणा शिक्षा मंत्री घनश्याम जी तिवाडी तो साफ कैयो क जद संविधान मांय 22-22 भासा री मान्यता है तो राजस्थान नै संविधान मं भेळी करण री बात करतां ई लोगां रै मरोडा क्यूं उठै। म्हे के मोरडी रै भाठो मार दियो जिको म्हारी भासा नै 8वीं अनुसूची मं ठोड नीं मिलै।

अब तो हालत आ है के जठे ई कोई आयोजन हुवै बो भासा री मान्यता री पीठ उठाए बिन्या सम्पूर्ण कोनी हुवै इयां मान ल्यो का आ तो एक परंपरा बणगी है। आ भी बडी बात है। इण री चरचा आगै बधावा तो घणकरी क भासावां आज लुप्त होगी। चलण मं कोनी रैहगी। पण राजस्थानी आपरो बजूद बिन्या मान्यता मिल्यां ई हाम-काम राख राख्यो है आ ठाडी बात कोनी के?

सांस्कृतिक पख री बात करा तो इण धरोड सूं आपां घणा मोदीजां। मोरियाळी जियां। जिको आपरो फूटरो फूटराफो देख देख छतो ताणै नै घूमर घालै। पणा जणापगां कानी जोवे तो आसूं टळकावै। आपां आपणी भासा, आपणी संस्कृति एक तमाशो बण रै रैहग्या। आपणी संस्कृति एक नुमाइश बण र रैहगी। बडे-बडे समारोहां मांय, अंगरेजी इस्कूलां मांय राजस्थानी लोक गीत लोकनाच हुवै। लोग ताळी जावै अर आपां राजी हुवां क आपणै गीता मांय इतरी अपील है क लोग रीझै। पण लोग तो ओर ई घणी भूंडी-भूंडी चीजां नै ई चाव सूं देखै ताळी बजावै तो बां मंई अपील हुली?

ईया तो मान्यता कोनी मिले। जद तांई सावचेत नीं हूंवा अर राजस्थानी भासा नै सुवाल नै जीवण मरण रो सुवाल नीं बणास्यां।

आपणा निजूं कामां सारू किता सावचेत हा आपां। लूंठा नेतावां सूं आपाणो काम कढावां हा। कितनी लेलडया काढा। पगां मं पड लिट जावा। कदी बोटा रो जोर दिखावा। कदी पीसा रो जोर दिखावां। पणा आपा निजू हित किया न कियां साधा। देखा क किता जणा ईमानदारी सूं इस्यो दबाव मायड भासा राजस्थानी सारु बनायो है क ना जी थानै ओ काम तो पार घालणो ई पडसी नीं तो फेर ठीक कोनी रेहवै। जिका करयो है बे बडम रा हकदार है। ओजूं करां। आप आप रै रुबतै नै बरता परखा। नेतावां सूं न्यारा-न्यारा मिला जद तांई भासा नै मान्यता मिलै जी में एक चेंट राखां बींया तो भाई बेली रिश्तेदारी में लंूठी लंूठी बातां करा क आपणी जाखड सागै रिश्तेदारी है। मुख्यमंत्री तांई सीधो आणो-जाणो है। गैलोत सागै धरमेलो है। कोई काम हुवै तो बताइयो। अरे ईसूं मोटो काम के हुसी थारी मां रै मूंढै रै ताळो लागरयो है रो ताळो खुला जे कीं करण जोगो है। पण नां जी आपा चिकणा घडा हा क छांट ई को ठेरै नीं। दो दिन इस्ये जलसे मांय मुसाणीयो बेराग जागै। राजस्थानी राजस्थानी करां घरां जावंता जावता ईगलिस्तानी बण ज्यावा। इंगलिस रा मन करोडा री एक बात आप सामी जरुर करणो चावूंगा क सूरतगढ रै एक अंग्रेजी इस्कूल मांय आपरै सालीणै कळेण्डर मांय उपरी उपर आछो फूटरो गोरबन्द सूं सजयोडो अर ऊंट र सणै असवार फोटू छाप राख्यो है। पण मांय राजस्थान दिवस 20 अगस्त ने छाप राख्यो है। अर मनायो बी बा 20 अगस्त नै । इर इस्कूल है। 12 वीं तांई रो अरे कितोक अपमान करवांता रेहवांगा आपां।

म्हारै सेर सूरतगढ रै आकासवाणी केन्द्र रो जिकर भी म करणो चावूंगा थोडो-सोक कण केन्द्र री थरपणा ई सीवाडै सूं आंवती पाकिस्तानी रेडियो री आवाज नीं रोकण और राजस्थानी लोक संगीत, लोक संस्कृति में बधेपो करणा सारू हूई। इस्यो म्हारो मानणो है। अर इण मांय को केन्द्र घणो सफल भी हुयग्यो। पण लारलै बरस सूं इण रो नाम काटण सिटी चेनल कर दियो जिको घणो अणखावणो लागै। जद क राजस्थान रा दूसरा केन्द्रा रो नाम बठै री संस्कृति रै अनुरुप राखिज्यो है। अर अबे अठै सूं राजस्थानी रा कार्यक्रम थुडता जा रिया है। अर दूसरा मांय घणो बधेपो होग्यो।

ईया ई लारलै दो बरसा पेला माध्यमिक शिक्षा बोर्ड कानी सूं जियां और प्रतियोगी परिक्षायां हुवे है बिया हि राजस्थानी भासा मांय ई बा प्रतियोगितावां हुई। पण अगले बरस ई राजस्थानी रा विरोधियां रै मरोड उठण लागी। बोर्ड अध्यक्ष विमल प्रसाद गुप्ता ई प्रतियोगिता नै हटा दी नीं। हालांकि ई प्रतियोगिता सूं छात्रा ने घणो सीटो कोनी मिल्यो अर नं ई सीटयो खुस्यो सिवाय दो-तीन हजार री छात्रवृति रै अलावा। पण हो एक अपमानजनक कार्य। जद भासा प्रेमी बोर्ड अध्यक्ष सूं मिल्या तो साफ कयो क किसी राजस्थानी में तो इणने पाठयक्रम सूं ई हटास्यां। है भी ठीक बात। हटा देवणी चाइजै जिकी प्रांत रा लोग इता निबळा हुग्या क बै आपरी मा री गाळ न ई तमगो समझे तो बां लोगा री भासा राजस्थानी कतई नी हुवणी चाहिजै। राजस्थानी आपरी मायड भासा री कुरबानी देयर हिन्दी ने पैदा करी, पाळी, पोखी। हिन्दी रो आदिकाल राजस्थानी सूं सुरू हुवै। ई बिन्या हिन्दी कठै। इण सूं बेसी लोग राजस्थान सूं के बलिदान चावै। जीभ काटल्यो म्हारी।

बे आपडा घणा सावचेत हा। मोके नै समझै हा बेळै कुबळै री बांण ने जाणे हा जणां समझै हा जणां ई तो बंगाली, गुजराती, तमिल, तेलगु, पंजाबी आळा आपरी अडी राखी अर नतीजो क आज बां रै भासा है अर म्है जिका कुरबानी दी बै गूंगा है हिन्दी कमजोर हुजी सी। अरे थे ईडा ई नाढू खां हो जणा दूजै प्रान्तां मं जठै हिन्दी रो नाम लेवो कोनी कठै तो लागू कराल्यो। म्हे मान्यता री मांग करा जणा नमक हरामियां रै बाईटा आवण लागज्यै क ना जी ए तो भासावाद फैलावे। बां ना जोगा ने कोई केवण आळी कोनी क थारी केदया जिकोडी 22-22 भासावां ने मान्यता थकां ई म्हारै पर दोस लगावो। धिकार है थानै फोट है। धरती रा बोझ हो थे।

एक ओर बात अब काळे बरस एक संस्था 8वीं अर 12 वीं कक्षा रे बालकां नै सम्मानित करण बांरी अंक तालिकावां मांगी जी। संजोग सू मेरो पतो दिरिज्यो अंक तालिका जमा करण रो। अर जिकी 40-42 अंक तालिकावां आई बां मांय सू घणकरा क बाळका कनै तृतीय भासा रै रुप मांय पंजाबी लियोडी ही अर एक ई बाळक रा 80 सूं नीचे नंबर कोनी हा। थे मान सको हो क सूरतगढ तैसील मांय इता तकडा पंजाबी भासी है। नीं ह पण पंजाबी भासा रे प्रति नेह है बा मास्टरां रो जका बे कोपी जांची है ज्यादा कीं भी केवणो नीं चावूं पेली बात तो राजस्थानी भासा रै रुप मांय छठी सूं 10वीं तांई है इ कोनी रेगुलर इस्कूल मांय 11वीं 12वीं सारु कोनी। अब के सकां हां क तीन इस्कूल परलीका, संगरिया अर जानकीदास वाळा मांय है आं टाळ छात्र बिच्यारोे जे राजस्थानी रो मान बढावै तो उण नै प्राईवेट फार्म भरणो पडे। जी लगा पढै। पण कापी जांचती वेळा राजस्थानी रा मास्टर बणज्यावै करडा सूं करडा परीक्षक। छोरा रो होसळो ई जवाब दे ज्यै।

ऱाजस्थानी भासा मांय बाळका री भणाई पेलै दरजै सूं ई होवणी चाइजै अर उण नै छठी सूं वेकल्पिक विषय रे रूप मांय राजस्थानी लेवण री छूट होवणी चाईजै। कितनी बिडम्बक हालत है। आपणै परदेस मांय आपां आपणी भासा कोनी पढ सका जद क दूसरी भासा जिकी आपां पढ जणा कोनी पढ सका। वाह रे सिस्टम वाह।

राजस्थानी भासा साहित्य संस्कृति अकादमी बीकानेर रे संयोग सूं लिखारा श्री हूंस बधावण सारु पोथ्या छपै है। पण पोथ्या री बिक्री रो हुवै कोनी। क्यूंक पढण रो तो किणी नै बगत ई कोनी। अकादमी रो संयोग़ दिरीजे बींसू लेखक नै 100-150 पोथ्या ई मुसकल सूं मिल सकै। अर बो ठीक समीक्षा सारु ई कोनी भेज सकै।

अकादमी रो सैयोग तो घणो ई है अर घणो ई कोणी दोनूं ई बात है। पत्र पत्रिकावां ने आर्थिक सैयोग देवै, जागती जोत छपै अर पुरस्कार देवे, आंचलिक समारोह आयोजित करे। छोटा-मोटा कार्यक्रमा मांय भी भेळप करे। पण ईस्कूली स्तर पर काम कम हो रियो है। ईस्यो माहोल बणायो जाणो चाइजे के जिण सूं नुवी पीढी राजस्थानी भासा साहित्य संस्कृति अर मान्यता री पीड ने समझै।

राजस्थानी भासा मान्यता आन्दोलन पर पाखी निजर पसारा तो ई घणो लाम्बो पेंडो तो करणो पडसी। 21 फरवरी 1925 मं तरूण राजस्थान छापै मांय राजस्थानी भासा ने म्मान्यता दिरावण री मांग उठाईजी ही। अर आज सूं 62 साल पेली दीनापूऱ (बंग़ाल) मांय अखिल भारतीय राजस्थानी सम्मेलन रे रूप मांय भासा आन्दोलन से सूं बडो जळसो हुयो जिण री अधयक्षता ठाकर रामसिंह जी करी अर अध्यक्षीय उदबोधन में से सूं बडो 56 पाना रो भासण पढिज्यो। उणरै पछै तो घणकारी संस्थावा इण आन्दोलन नैजारी राख्यो। राजस्थानी शोध संस्थान जोधपुर, राजस्थानी भासा विकास संस्थान जालोऱ राजस्थानी भासा प्रचार संस्थान नाग़ोर, प्रताप शोध संस्थान उदयपुर, साहित्य संस्थान उदयपुर, युगधारा उदयपुर, बागड साहित्य परिषद डूंगरपुर, चारण शोध संस्थान अजमेर, हाडोती शोध संस्थान कोटा, ज्ञान भारती शिक्षण संस्थान कोटा, राजस्थानी भासा प्रचार सभा जयपुर, शेखावाटी भासा साहित्य एवं संस्कृति अकादमी लक्ष्मणगढ सीकर, बिडला एज्युकेशन ट्रस्ट पिलाणी झुंझुनूं, नगर श्री चुरू, राजस्थानी साहित्य समिति बिसाऊ कल्पना लोक रतनगढ, राजस्थानी विभाग राष्ट्र भासा हिन्दी प्रचार समिति श्री डूंगरगढ, भारतीय विधा मंदिर शोध संस्थान बीकानेर, महाराजा अनूपसिंह संसकत लाइब्रेरी, सादुल राजस्थानी रिसर्च इंस्टीटयूट बीकानेर, अभय जैन ग्रन्थालय बीकानेर, मरूधारा बीकानेर, आचार्य तुलसी राजस्थानी शोध संस्थान बीकानेर, हिन्दी विश्‍व भारती अनुसंधान परिषद बीकानेर, राजस्थानी विधापीठ संस्थान बीकानेर, भारतीय भासा परिषद कोलकाता, राजस्थानी भासा प्रचारिणी सभा कोलकाता, राजस्थानी आकादमी नई दिल्ली, मारवाडी सम्मेलन मुम्बई, श्रीमती कमला गोइन्का फाउंडेशन मुंबई राजस्थानी रत्नाकार दिल्ली, सरस्वती संस्था परलीका, श्री हनुमान सरावगी ट्रस्ट रांची बिहार, राजस्थानी परिवार दिल्ली, मरुधारा साहित्यिक संस्थान हनुमानगढ, राजस्थानी भासा प्रचार समिति सुरतगढ अर ओर ई घणी संस्थावां, जिका रा नांव हूं संजो नीं सक्यो हूं आपो आपरे ढंग सूं राजस्थानी भासा मान्यता आन्दोलन साहित्य अर सांस्कृतिक बधेपै सारू घणा महताऊ पांवडा भरया अर अजै भर रया है।

राजस्थानी भासा री मान्यता रो आन्दोलन भलां पांवडा भरया हुवै पण ओजूं तांइ हार कोनी मानी है। कई बार सुणनो पडै क ओ साहित्यकारां री आन्दोलन है तो के साहित्यकार किस्या माणस कोनी हुवै। अर साहित्यकारां री महती भूमिकआ नकारी नी जा सकै बा ई वास्तै नै बूझण नीं दीनी कजळाइजण कोनी दी।

नरोतम दास स्वामी, विधाधर शास्त्री, मुरलीधर व्यास, मूळचंद प्राणेश, राणी लक्ष्मीकुमारी चुंडावत, पृथ्वीराज राठौड, सूर्यकरण पारीक, रामसिंह तंवर, गिरधारी सिंह पडिहार, ठाकर रामसिंह, चन्द्रदान चारण, श्रीलाल नथमल जोशी, ओंकार श्री, अटवालाल माथुर, नारायणसिंह भाटी, गणेश लाल उस्ताद, सीताराम लालस, श्रीमंतकुमार व्यास, विजयदान देथा, मोहन आलोक, सीताराम महर्षि, कन्हैयालाल सेठिया, अम्बू शर्मा, रतन शाह, मनोहर लाल गोयल, कल्याणसींह शेखावत, कलयाण सिंह राजावत, मेघराज मुकुल, डा.देव कोठारी, पृथ्वीराज रतनु, भवानी शंकर व्यास, ओंकार सिंह लखावत, भंवरसिंह सामोर, मदन केवलिया, औंकार श्री, श्याम महर्षि, करणीदान बारहठ, नूंठी पीढी मांय मालचंद तिवाडी, दारा सिंह स्याग, ज्योति पुंज, उपेन्द्र अनू, विष्णु माली, पुरूषोतम पल्लव, जी. एस. राठौड, घनश्याम भींडर, तुलसी दास, कैलास मंडेला, मुकुट मणीराज, शिवराज भारतीय, प्रहलाद राय पारीक, पदम मेहता, ओम पुरोहित कागद, रामस्वरुप किसान, भरत ओळा, सत्यनारायण सोनी, विनोद स्वामी, राजेन्द्र बारहठ, शिवदान सिंह जोलावस, दुलीचन्द मेघवाल, हनुमान दीक्षित, पूरण शर्मा, लक्ष्मणदान कविया, अर्जुनदेव चारण, मीठेश निर्मोही, लालदास राकेश, जितेन्द्र जालोऱी, हरिमोहन सारस्वत, देवदास रांकावत, नथगिरी भारती, मदन सैनी, किरण नाहाटा, दुलाराम सहारण, करणी सिंह, करणीसिंह राठौड, शकर सिंह राजपुरोहित, मदन पारीक, करणीदान सिंह राजपूत, तोळाराम स्वामी, अली मोहम्मद पडिहार, दुलीचंद मेघवाल राजू बिजारणियां। आद-आद तो केवणा लिखणा ई पडसी क्यूंक नावां नावां रो ई जिकर करां तो कई दिन लाग जिसी।

राजस्थानी भासा ने प्रदेश री भासा सारू पेलपोत रा मुख्यमंत्री जयनारायण व्यास 1 सितम्बर 1944 मं ज्ञापन भारत सरकार ने दियौ। उणा रै पछै 8वीं सूची मांय भेळी करावण सारू स्व.महाराजा करणीसिंह, डा.लक्ष्मीमल सिंघवी, गुनानम लोढा। न्याऱा न्यार आ विधेयक राख्या पण पार कोनी पडी, 22 जुलाई 1992 में वोट कल्ब दिल्ली पर धरणो दरिज्यो। 28 जुलाई 1992 में भैरु सिंह जी री सरकार आगे पूनमचंद बिश्नोई राजस्थानी भासा प्रदेश री दूसरी भासा बनावण री मांग़ करी। 25 सितम्बर 1992 में बी.डी.कल्ला राजस्थानी ने मान्यता री बात विधानसभा में उठाई। इणि तरिया ओ संघर्ष चालतो रियो पण रैहया तिस्याई। अब जरूरत ही एक जन आन्दोलन री जिको पेली राजस्थानी भासा प्रचार समिति अर पछै अखिल भारतीय राजस्थानी भासा मान्यता संघर्ष समिति रे रूप मांय एक संगठन उभरियो अर जिग्यां-जिग्यां धरणा, प्रदर्शन, रैलियां, गोष्ठि्यां, गांव-गांव ताई आ बात पुगाइजी क राजस्थानी भासा ने संविधान री मान्यता नी हुवण सूं के नुकसान है अर मान्यता हूवण रो के फायदो है। बतावण से लोग समझण लाग्या अर आन्दोलन सूं जुडता गया। धपाऊ रा स्टीकर हेला पत्रक, दोहा, छापिया। दोहा समिति रै हैला पर प्रदेशाध्यक्ष भरत ओळा री अगुवाई में विधान सभा सामी 3 मार्च 2003 में धरनो दिरिज्यो। जिण माय प्रदेश रा सगले जिला सु हजारु लोग पुग्या। उण बखत रा मुख्यमंत्री अशोक गहलोत खुद आर ज्ञापन लियो। लोगां में घणो जोश हो। 25 अगस्त 2003 रो दिन घणो सुखदाई हो। क ईण दिन सगळा री सहमति सु राजस्थान विधानसभा मांय ओ प्रस्ताव पास करिज्यो क राजस्थानी भासा ने 8 वीं अनुसूची मां भेळी करी जावे। आ आन्दोलन री बडी जीत ही। आखे प्रदेश मांय अर देश मांय खुशी मनाईजी। मिठाईया बांटीजी, बधाई दरीजी। उडीक बेसबरी सु करण लाग्या क केन्द्र सरकार राजस्थानी भासा ने 8वीं अनुसूची मां भेळी करण री घोषणा संसद मां करसी। बातडी बण ई गई ही बोडो, संथाली, मैथिली, डोगरी रे साथे राजस्थानी ने मान्यता मिलणी ही पण कुण जाणे कुण से इ रो कांटो आ बिच्चाळे नाख्यो जिके रो चारु भासा तो बडभागी रहगी अर म्हारी मायड भासा निरभागी होगी। आपाने फेर टाळ दिया बडो झटको लाग्यो। राजस्थानी भासा हिताळूआ रे। ईया लाग्यो कि आश टूट गी पण आन्दोलनकारी फेर भेळा हुया। सुरतगढ मांय ते हुयो क ऐतिहासिक रथ जात्रा जिण रो नाम राख्यो मायड भासा सम्मान जात्रा काढी जावे जिण रो उद्देश्य ओ राख्यो कि सारे राजस्थान नीं तो जठे कर जात्रा टिपै बठे रे रेवासिया ने आ बात बताई जावे कि आपणे साथे के अत्याचार हुय रियो है।

सगळी सहयोगी संस्थावां री भेळप आंय रथ जात्रा सारू राजस्थानी सम्मेलन रो नाम राख़्यो। मायड भासा रे हेताळूआ री इच्छा हि क इण मायड भासा सम्मान जात्रा री विधिवत घोषणा म्हारा बडेरा करे। जैपर मांय राणी लक्ष्मी कुमारी चुंडावत, कल्याणसिंह राजावत, पदम मेहता, कल्याणसिंह शेखावत, शोभाग्यसिंह शेखावत, ठाकुर औकार सिंह आदि द्वारा एक प्रेस कोन्फ्रेंस बुलायोडी ही जिकी ही तो विरोधियां रो जवाब देण सारु। जवाब भी दिरिज्यो साथे सम्मान जात्रा री घोषणा हुई।

उण प्रेस कोन्फ्रेंस मांय दारासिंह स्याग, राजेन्द्र बारहठ, रामसिंह अर हूं गया। बा बडेरा पेली म्हाने चोखी तरिया देयर बीर करिया। हरिमोहन सारस्वत री आगुवाई में मायड भासा दिवस 21 फरवरी 2005 में ते सुदा बगत पर श्री गंगानगर सु गाजे बाजे रे साथे जिला प्रमुख पृथ्वीराज मील सम्मान जात्रा ने रवाना करी। लोगां में घणो जोश हो। बिया तो सनमान जात्रा रा घणाई मायड भासा रा हेताळू वा आपोे आप र साधना सु सागो करियो पण श्रीगंगानगर सु ठेठ दिल्ली ताई ईण करडी अबकि जात्रा रा जात्रियो रो जिकर करणो जरुर चावसु बुजुर्ग समाजसेवी दिलात्मप्रकाश जी जैन, प्रो.अली मोहम्मद पडिहार, रामस्वरुप किसान, दारासिंह स्याग, सीताराम शर्मा, हरि मोहन सारस्वत, मुकेश चौधरी, मनोज स्वामी, वेदप्रकाश छाबडा, राजेन्द्र बारहठ जोधपुर सु रळिया। भरत जी ओळा हनुमानगढ सु जालोर ताई सत्यनारायण जी सोनी बिमार होवता थका सुरतगढ ताई, मोहन आलोक सुरतगढ ताई, तोलाराम स्वामी बिकानेर ताई, अर्जुन देव चारण, मिठेश निर्मोही जोधपुर से जालोर ताई साथे रेया। आपसी सुविधा मुजब जात्रिया रे रूप मांय गंगाजल मील, श्रीमती राजेश सिडाना, अमरचन्द बोरड साथे रेया। अदभुत ही आ जात्रा। जिण रो बरणन एक बैठ्क मांय नी हु सके। मारो सोभाग हो क म्हे इण सन्मान जात्रा मांय रामस्वरूप किसान, विनोद स्वामी प्रो.अली मोहमद पडिहार ने जठे जठे ढोल धमाका साथे स्वागत हुयो नाचता देख्या। अर बा घडी किडी यादगार जी जणा इणा रे नाच पर बिजिसा रिपया उवारिया उणा री आखिया भीजगी। खैर 4 मार्च 2005 ने जात्रा दिल्ली पुंचगी बठे गंगाजल मील, पदम मेहता, प्रभु ठाकुर पेली सु हि केन्द्रीय गृह मंत्री शिवराज जी पाटिल सु बगत ले राख्यो हो। बा बरसते मैह ंमं नेह सु म्हारो ज्ञापन लियो बात सुणी-बरसते मैह मं ई रथ ताई आया साथे फोटु खिंचाई अर राजस्थानी भासा ने मान्यता दिरावण रो भरोसो दिरायो। बा पछे उपराष्ट्रपति भैरोसिंह जी सु मिल्या घणी चरचा हुई फेर अशोक गहलोत सु मिल्या। बा सगळा री आवभगत करी मिजबानी करी अर सोनिया जी रे नाम रो ज्ञापन लियो अर भासा ने मान्यता दिरावण रो भरोसो दिरायो। बात पुरी करण सु पेला स्व.अबुल वहीद कमल साहब री ए ओळिया आप सामी बाचणो चावु।

मै भासा री पीड उगेरु थे दुजा गीत सुणावो ना।
म्हारे हिवडे पीड हिलोरा, थे बाता म बिलमावो ना।।
इ रुपा रुडी भासा ने, राजस्थानी भासा ने,
धोरा धरती मानखे री, एक सांतरी आशा ने,
थे मुळक मिजळते होठा सु, लाखो लाड लडाओ ना।
मं भाासा री पीड उगेरू थे दुजा गीत सुणाओ ना।।
भासा री बाता आय उढे, काळजियो लपटा लाय उठे,
घर रो जोगी जोगणो, थे दुजा सिध पुजाओ ना।
मं भासा री पीड उगेरु थे दुजा गीत सुणावो ना।।
भगती में जिकी डुबी रण खेता में उगी,
सिणगार संजोयो सेजा रो, रण खेता मे उभी,
बा सुरा संता री बाणी रो, थे मायड दुध लजाओ ना।
मं भासा री पीड उकेरु थे दुजा गीत सुणावो ना।।
अब बात आ क पंचा री बात सिर माथे पण
पतनाळो बठे रो बठे आपणली बात अजे सिरे कोनी चढ़ी
तो के करा थे ई बताओ।
मरणे मारणे री दरकार हुवे तो त्यार हा।
म्है तो लिया दिया हि फिरा हा,
फकर मायड भासा खातर इ जिया हा।
जै राजस्थानी- जै राजस्थानी